Нийслэлийн Засаг даргын тамгын газар , Нийслэлийн Эрүүл мэндийн газраас өнөөдөр шилдгүүдээ тодрууллаа. 2025 онд үйл ажиллагаагаар тэргүүлсэн эрүүл мэндийн шилдэг байгууллагаар нийслэлийн хамгийн олон хүн амд эрүүл мэндийн тусламж үйлчилгээ үзүүлж буй БЗД-ийн Эрүүл мэндийн төвийн хамт олон шалгарчээ. Шагнал гардуулах ёслолын ажиллагаанд БЗД-ийн Эрүүл мэндийн төвийн дарга И.Батзаяа хамт олныхоо хамт оролцож, шагналаа гардан авсан байна.
Мөн тус дүүргийн 9-р хорооны "Энх Энэрэл" өрхийн эрүүл мэндийн төв оны шилдэг эрүүл мэндийн байгууллагаар шалгарсан байна. Шилдэг эмч, сувилагч мэргэжилтнүүдээ төлөөлөн 6-р хорооны өрхийн эрүүл мэндийн төвийн дарга, их эмч С.Балжинням оны шилдэг эмчийн шагналыг гардан авлаа.
Эрүүл мэндийн салбарт үнэтэй хувь нэмэр оруулж, мэргэжлийн ур чадвар, хүнлэг энэрэнгүй сэтгэлээрээ бусдыг манлайлан ажилласан эрхэм хамт олон, эмч, сувилагч, ажилтнууддаа баяр хүргэе.
