АТГ-аас Ашигт малтмал, газрын тосны газрын дарга асан Ш.Ганхуягийг 2.5 тэрбум төгрөгийн хахууль авсан хэргээр хойшлуулшгүйгээр хорин шалгаж байна.Тодруулбал, Ш.Ганхуяг нь Ашигт малтмалын ерөнхий газрын даргын үүргийг түр орлон гүйцэтгэгчээр ажиллаж байхдаа “Минерал Эксплорейшн Фандинг” компанийн мэдэлд байсан "Олон овоот"-ын ашигт малтмалын найман тусгай зөвшөөрлийг “Алтжин” группийн Г.Алтан агсны том хүү Эдвард Сүрэнгийн хамаарал бүхий “Олон овоот гоулд” ХХК болон “Зөв зүг” ХХК-д хууль бусаар шилжүүлсэн байна. Ингэхдээ тэрбээр Эдвард Сүрэн нараас 2.5 тэрбум орчим төгрөгийн хахуульд авч, энэ мөнгөөрөө барилга барьж байсан бололтой. “Алтжин” группийн Г.Алтан агсны хүү Эдвард Сүрэн, АМГТГ-ын дарга асан Ш.Ганхуяг нарыг саатуулан, шалгаж байна.
Ш.Ганхуяг нь Аж үйлдвэр, эрдэс баялгийн сайдаар ажиллаж байсан Ц.Тувааны “Туваан” сангийн тэргүүнээр ажилладаг. Ц.Туваан сайдын үед АМГТГ-ын даргын түр орлон гүйцэтгэгчээр ажиллаж байсан юм. Өөрөөр хэлбэл, дээрх хэрэгт ч УИХ-ын Ц.Туваан ч оролцсон байх магадлалтай байна.
