“Сүү” ХК-иас мэдэгдэл гаргалаа. Тус мэдэгдэлд Сүү ХК-ийн үйлдвэрлэдэг Миний Монголын сүү бүтээгдэхүүнд хорт хавдар үүсгэдэг бодис байна. Хуурамч сүү, хуурай сүүгээр хийдэг гэх агуулга бүхий компанийн нэр хүндэд алдсан, илт худал мэдээллийг эх сурвалж нотлох баримтгүйгээр олон нийтийн сүлжээгээр зохион байгуулалттай эвлүүлэг хийж бэлтгэн тарааж, Монголын ард түмнийг төөрөгдөлд оруулж байгаад харамсаж байна.
Үндэсний ууган үйлдвэр, стратегийн хүнсний үйлдвэрлэгчийн хувьд дээрх мэдээлэл нь ХУДАЛ МЭДЭЭЛЭЛ болохыг хариуцлагатайгаар мэдэгдэж байна.
Монголын хөдөө аж ахуйн салбарын тулгуур багана болсон 2500 бэлтгэн нийлүүлэгчдийн хөдөлмөр, үр шимээр бүтсэн үнээний цэвэр ШИНГЭН сүүг бид малчны хотноос татан авч, олон улсын стандартад нийцсэн үйлдвэрлэл, шат дамжлагаар боловсруулан чанартай эрүүл “Миний Монгол сүү”-г хэрэглэгч та бүхэнд хүргэж байна. Энэхүү гэмт хэрийг шинжтэй үйлдэлд компанийн зүгээс холбогдох хууль, хяналтын байгууллагаар шалгуулж байна.
Иймд хэрэглэгч та бүхэн эх сурвалж, нотлох баримтгүй зохион байгуулалттайгаар эвлүүлэг хийж бэлтгэн олон нийтийн сүлжээнд тарааж буй энэхүү худал мэдээ, мэдээлэлд шүүлтүүртэй хандахыг хүсье” гэжээ.
