Д.Ангараг: Төсөв улайсан нь үнэн. Монголбанк хасах нөөцтэй болсон нь ч үнэн

• Өнөөдөр УИХ-ын гишүүн П.Сайнзориг хэвлэл бага хурал дээр Монгол улсын эдийн засаг хүнд байдалд орсон,  дефоль зарлах гэж байгаа хэмээн хэлснийг Сангийн сайд Б.Жавхлан үгүйсгэсэн. Харин энэ удаад эдийн засагч Д.Ангараг цахим хуудастаа байр сууриа ийнхүү илэрхийлжээ.

- Би улстөрч биш, улстөрийн өнцгөөр аливаа байр суурь илэрхийлдэггүй. МАН ч бай, АН ч бай, зөв бодлогыг нь дэмжиж, бурууг нь шүүмжилж явдаг хувь хүн.

Харин өнөөдрийн Монголын эдийн засгийн талаарх Жавхлан vs Сайнзоригийн эрс тэс байр сууринд хошуу нэмэрлэхэд Монголын эдийн засаг маш хүнд бга нь үнэн шүү. Төсөв улайсан нь ч үнэн, Монголбанк хасах нөөцтэй болсон нь ч үнэн.  

ЗГ үлдсэн ч бай, огцроод шинэ ЗГ байгуулагдсан ч бай бодит үнэнтэйгээ нүүр тулаад хурдхан засах арга хэмжээгээ авах нь чухал. Ард түмэнд Занданшатар нь ЕС бну, Амарбаясгалан ЕС болно уу, 22-р асуудал. Ард түмний амьжиргаа, эдийн засгийн таатай нөхцөл байдал л чухал!

Жич: Өнөөдөр нэг яриа сонслоо. Нэг хэсэг маш хурдан тархсан апп-н шуурхайн зээлийн компаниудын ихэнхи нь шинэ зээл гаргахаа зогсоосон гэнэ. Иргэд мөнгөгүй болж апп-н зээлийн чанаргүй зээл маш хурдацтай өсөж бга гэнэ. Энэ л эдийн засгийн, иргэдийн амьжиргааны бодит үзүүлэлт. Нийт GDP, нийт экспорт, нийт төлбөрийн баланс...нтр бол иргэдийн бодит байдлыг илэрхийлж чаддаггүй! гэжээ.