The mongolZ багийн хамгийн залуу гишүүн Б.Аюуш буюу mzinho. Тэрээр 2007 оны 6 сарын 28-нд төрсөн. хэдхэн хоногийн өмнө 18 нас хүрсэн.
Анх 11 наснаасаа тоглож эхэлсэн бол 14 наснаасаа мэргэжлийн түвшинд тоглож эхэлжээ. Гэвч олон улсын тэмцээнүүдэд 16 наснаасаа эхэлж тоглохыг зөвшөөрдөг байна.
Тиймээс 16 нас хүрээд одоогийн The MongolZ багт оржээ. Ихэвчлэн дайсныхаа ар талаас довтолж, багтаа давуу байдал үүсгэж тоглодог. Одоогийн байдлаар нийт 300,000 гаруй долларын шагналыг өөрийн болгоод байна. Түүний ах Б.Баатархүү буюу Bart4k мөн the mongolz багт тоглодог байсан бөгөөд ахынхаа оронд тус багт дуудагдаж 2023 онд орсон юм.Түүнийг өдийг хүртэл эмээ нь хамгийн их дэмждэг байжээ. Анх эмээгээрээ тэтгэврийн зээл авхуулж компьютертэй болсон нь энэ хүртэлх гүүр байжээ. Эмээ минь тэнгэрээс хараад баярлаж байгаа байх хэмээн ярьж байсан ах дүү хоёр өдгөө дэлхийн хүн болж, Монгол гэдэг нэрийг дуурсгаж явна. Түүний өөртөө итгэлтэй бөгөөд биендээ баймгүй ухаалаг байдал нь хүн бүрийн хайрыг татсаар байна. Мэргэжлийн тоглогч болсон цагаасаа Мажорын аварга авах мөрөөдөл тээсэн түүнд дэлхийн аварга ойрхон байна.
