Өмнөд Солонгос улсын хорио цээрийн албанаас нисэх буудлын хилээр нэвтрэх шар хуудсыг цахимжуулах ажлыг эхлүүлж байгаатай холбоотойгоор ирэх есдүгээр сарын 1-нээс эхлэн шинэ зохицуулалт хийж буй. Тухайлбал, Инчон, Пусан чиглэлд явж байгаа зорчигчдыг шар хуудас бөглөхгүйгээр Q код авч ирэх шаардлага тавьж байгаа юм.
Хэрэв заасан хугацаанд тус чиглэлд зорчиж байгаа хүмүүс Q кодгүй бол хилээс буцаах хүртэл арга хэмжээ авна гэдгийг анхааруулжээ.
Зорчигчид Q кодыг зайлшгүй бөглөх бөгөөд бөглөөгүй тохиолдолд хилээс буцаах зөрчлийн нэг хэлбэрт тооцно гэж тусгасан байна. Тиймээс БНСУ-ын чиглэлд зорчиж байгаа хүмүүс тус кодыг бүрэн бөглөж байж нислэг хийх агаарын хөлөгт суулгах талаар авиа компаниуд мөн мэдэгдэл гаргажээ.
