"Утааны асуудал: Эрх зүйн орчин, бодлого, шийдвэрийн хэрэгжилт, санхүүжилт, зарцуулалт, хариуцлага" сэдэвт хэлэлцүүлэг Төрийн ордонд болж байна.
Энэ үеэр "Тавантолгой түлш" ХХК-ийн байгуулагдсанаас хойших долоон жилийн үзүүлэлт мэдээллийг тус компанийн Төлөюлөлт, эдийн засгийн хэлтсийн дарга Х.Ариунзаяа танилцууллаа.
Тэрбээр "Тавантолгой түлш ХХК нь "Эрдэнэс Монгол" ХХК-ийн ТУЗ-ийн 2018 оны 23 дугаар тогтоолын дагуу байгуулагдсан. 2018-2024 оны хугацаанд Засгийн газрын тогтоол болон тэмдэглэлээр харьяа байгууллага, толгой компаниар дамжуулж 1.4 их наяд төгрөгийн санхүүжилтийг авсан.
Үүнийг задлаад харвал "Эрдэнэс Тавантолгой" ХХК-аас эргэн төлөгдөх нөхцөлтэйгөөр 1.3 их наяд төгрөгийн санхүүжилт авсан. Мөн шахмал түлшний өөрийн борлуулалтаас 320.7 тэрбум төгрөгийн орлого олсон байна.
2018-2024 оны байдлаар хөдөлмөрийн зардалд 400 тэрбум төгрөг, барьцалдуулагчийн зардалд 321 тэрбум, тээврийн зардалд 223.3 тэрбум, шуудайд 83 тэрбум төгрөгийг зарцуулсан байна. Давхардсан дүнгээр нийт 18,464 хүнд 400 тэрбум төгрөгийн хөрөнгийн зардал гаргаж ажиллажээ.
