Монгол Улсын Ерөнхий сайдын 10 дугаар албан даалгавар, Улсын онцгой комиссын даргын 3 дугаар тушаалын хэрэгжилт болон өвөлжилтийн бэлтгэл ажлын хүрээнд Өвөрхангай аймагт ажиллалаа.
Өвөлжилтийн бэлтгэл ажлын хүрээнд Арвайхээр сумын 13 дулаан үйлдвэрлэгчээс 3 аж ахуйн нэгж халаалтын зуухны хүчин чадлаа нэмэгдүүлж, агаарын бохирдлыг бууруулах технологийг нэвтрүүлэхээр ажиллаж байна.
Дулааны станцын 2-р хэлхээний ажил 41 хувийн гүйцэтгэлтэй хийгдэж байгаа бөгөөд ирэх 9-р сарын эхэнд дуусгахаар ажиллаж буйгаа танилцууллаа.
Дараах асуудлыг аймгийн удирдлагууд уламжилж байна.
- Аймагт баригдаж буй Дулааны станцын бүтээн байгуулалтын асуудлыг нэн тэргүүнд шийдвэрлэх,
- Дулааны станцын 2 дугаар хэлхээний инженерийн шугам сүлжээний өргөтгөл, шинэчлэлийн энэ онд хийгдэх ажлыг хугацаанд дуусгахад шуурхайлах,
- Хадлангийн бүс нутгийн 10 мянган га талбайгаас хадлан бэлтгэх ашиглах асуудлыг шийдвэрлэх,
- Хайрхандулаан, Нарийнтээл, Гучин-Ус сумдын Засаг даргын Тамгын газарт автомашин шийдвэрлэх,
- Зүүнбаян-Улаан, Гучин-Ус, Нарийнтээл сумын Эрүүл мэндийн төвд автомашин шийдвэрлэх зэрэг тулгамдсан асуудлаа танилцуулж, шийдвэрлэж өгөхийг хүслээ.
