БЗД-ийн Эрүүл мэндийн төвийн удирдлагууд БНСУ-ын “АИН” эмнэлгийн захирал, эмч, төлөөлөгчдийг хүлээн авч уулзан, эрүүл мэндийн тусламж үйлчилгээний чанар, хүртээмжийг сайжруулах, эмч мэргэжилтнүүдийн мэдлэг, ур чадварыг дээшлүүлэх, эмнэлгийн тоног төхөөрөмж болон анагаах ухааны технологийн чиглэлээр хамтран ажиллах талаар санал солилцож, албан ёсны хамтын ажиллагааны гэрээнд гарын үсэг зурлаа.
Хамтын ажиллагааны хүрээнд хоёр байгууллага эрүүл мэндийн тусламж үйлчилгээний чиглэлээр туршлага солилцох, эмч, мэргэжилтнүүдийг харилцан сургах, мэргэжлийн чадавхыг бэхжүүлэх, эмнэлгийн тоног төхөөрөмж болон анагаах ухааны технологийн чиглэлээрх үйл ажиллагааг үе шаттайгаар хэрэгжүүлэх юм.
Мөн “АИН” эмнэлгийн төлөөлөгчид БЗД-ийн Эрүүл мэндийн төвийн харьяа Ахмад настан, хүүхдийн нэгдсэн эмнэлэгт “Клиник өдөрлөг” зохион байгууллаа. Өдөрлөгийн үеэр тус эмнэлгийн бамбай булчирхайн нарийн мэргэжлийн эмч И Жин Үк, эмэгтэйчүүдийн нарийн мэргэжлийн эмч Канг Гю Хён нар иргэдэд үзлэг хийж, эрүүл мэндийн зөвлөгөө, мэдээлэл хүргэн ажиллав.
