Дорнод аймгийн Халхгол сумын Ташгай 3 дугаар багийн нутаг, "Баян мандах уул" гэх газарт хээрийн түймэр гарсан тухай дуудлага энэ сарын 7-ны өдрийн 17:40 цагт Онцгой байдлын байгууллагад иржээ.
Дуудлагын дагуу тус аймгийн Онцгой байдлын газрын Халхгол сум дахь 62 дугаар ангийн алба хаагчид, Хилийн цэргийн 0198 дугаар ангийн 2 дугаар заставын нийт 16 хүн, 3 автомашинтай хээрийн түймрийг унтраахаар ажиллагааг зохион байгуулжээ. Улмаар зургаадугаар сарын 08-ны өдрийн 06:50 цагт цурамд оруулж, мөн өдрийн 07:05 цагт бүрэн унтраасан байна. Урьдчилсан байдлаар 2500 га талбай өртөж шатсан талаар Онцгой байдлын ерөнхий газраас мэдээллээ.
