Н.Номтойбаяр Шадар сайдын хүрээнд хүмүүнлэгийн тусламж үйлчилгээг илүү сайжруулахаа онцлов

Шадар сайд, Улсын Онцгой комиссын дарга өнөөдөр \2026.05.06\Монголын Улаан загалмай нийгэмлэгт ажиллав. Энэ үеэр МУЗН-ийн Ерөнхий нарийн бичгийн дарга Н.Болормаа тус нийгэмлэгийн үйл ажиллагааг Засгийн газартай хамтран хэрэгжүүлэх санаачлагыг анх гаргаж, бодит ажил болгон хэрэгжүүлэхэд дэмжлэг үзүүлж, өнөөдрийг хүртэл идэвхтэй хамтарч ажиллахад чухал үүрэг гүйцэтгэсэн  Шадар сайд Н.Номтойбаярт талархал илэрхийлж, цаашдын хамтын ажиллагаа илүү өргөжинө гэдэгт итгэлтэй байгаагаа илэрхийллээ.

Шадар сайд Н.Номтойбаяр Улаан загалмай нийгэмлэг нь онцгой байдлын салбарын ачааны хүндийг үүрэлцэж, гамшиг, ослын үед хамгийн эхэнд хариу арга хэмжээ авч, хүмүүнлэгийн тусламж үзүүлдэг чухал байгууллага гэдгийг онцолж, цаашид Шадар сайдын эрхлэх асуудлын хүрээнд хүмүүнлэгийн тусламж үйлчилгээг илүү сайжруулахаа онцлов.

 Түүнчлэн нийгэмлэгийн үйл ажиллагааг илүү үр дүнтэй болгохын тулд эрх зүйн орчныг боловсронгуй болгох шаардлагатай байгаа учраас уг асуудлыг хамтран шийдвэрлэнэ гэлээ.

 Шадар сайдын зүгээс цаашид Засгийн газар болон Улаан загалмайн нийгэмлэгийн хамтын ажиллагааг өргөжүүлж, нийгмийн эмзэг байдлыг бууруулах, гамшгаас урьдчилан сэргийлэх, гамшгийн үед хүмүүнлэгийн тусламж үзүүлэх, хариу арга хэмжээг шуурхай хэрэгжүүлэх, бэлэн байдлыг хангах, гамшгийн дараах нөхөн сэргээх болон сэтгэл зүйн дэмжлэг үзүүлэх үйл ажиллагааг эрчимжүүлэхэд анхаарч ажиллана гэлээ.