Ховд аймгийн Жаргалант сумын хэмжээнд менингококкт /цахилгаан менингит/ халдварт өвчний хоёр тохиолдол батлагдаж, нэг хүүхэд нас барж ойрын хавьтлын 41 хүнийгтусгаарласан талаар мэдээлсэн.
Үүнтэй холбогдуулан Жаргалант сумын VII сургуулийн 1-5 дугаар ангийн сурагчдын хичээлийг 2026 оны гуравдугаар сарын 16-20-ний өдрийг хүртэл түр хугацаанд цахим хэлбэрээр зохион байгуулахаар шийдвэрлэсэн байна.
Мөн олон нийтийг хамарсан спорт, соёл урлагийн арга хэмжээ, бүх төрлийн секц, дугуйланг энэ сарын 27-ны өдрийг хүртэл хязгаарлажээ.
Халдварын ойрын хавьтагчдыг бүрэн тусгаарлаж, химийн сэргийлэлт болон дархлаажуулалтад хамруулсан бөгөөд тэдгээр иргэдээс авсан сорьцын шинжилгээний хариу бүгд сөрөг гарсан. Түүнчлэн, халдвар тархахаас сэргийлж бусад сумдын эрүүл мэндийн ажилчдыг сургалтад хамруулж, сургууль болон цэцэрлэгийн хүүхэд багачуудыг үзлэгт хамруулах ажлыг эхлүүлсэн. Одоогийн байдлаар аймгийн хэмжээнд нийт 4,187 сурагч үзлэг шинжилгээнд хамрагдаад байна" гэлээ.
алдварт өвчин судлалын үндэсний төв /ХӨСҮТ/-өөс гаргасан хамгийн сүүлийн үеийн мэдээллээр, 2026 оны гуравдугаар сарын байдлаар Монгол Улсын хэмжээнд менингококкт халдварын хэд хэдэн тохиолдол батлагджээ. Тухайлбал, Улаанбаатар хотод хоёр, Ховд аймагт хоёр, Дархан-Уул аймагт нэг тохиолдол тус тус илэрч, эмнэлгийн хяналтад ороод байгаа аж. Менингит нь менингококкоор үүсгэгддэг, маш богино хугацаанд хүндрэх эрсдэлтэй, аль ч насны иргэд тусах боломжой халдвар юм.
Ялангуяа 0-5 насны хүүхдүүд илүү өртөх эрсдэлтэй халдварт өвчин тул шинж тэмдгүүд илэрвэл яаралтай эмч, эмнэлэгт хандахыг холбогдох албанаас зөвлөж байна.
Сэтгэгдэл (0)
Сэтгэгдэл бичигдээгүй байна