Хөвсгөл аймаг, Ханх суманд урд шөнө газар хөдөлжээ. Тодруулбал, Баясгалант багийн “Боштого” гэдэг газар аймгийн төвөөс хойд зүгт 310 км, сумын төвөөс зүүн хойд зүгт 18 км газарт 10 дугаар сарын 31-ний өдрийн 00:54:01 цагт 4.2 магнитудын хүчтэй газар хөдөлжээ.
Энэ тухай мэдээллийг мөн өдрийн 01:00 цагт Одон орон геофизикийн хүрээлэнгээс цахим шуудангаар ирүүлсэн байна. Улмаар тус аймгийн Онцгой байдлын газраар дамжуулан Ханх сумын Засаг дарга нараас тодруулахад газар хөдлөлтийн чичирхийлэл бага зэрэг мэдрэгдсэн бөгөөд учирсан хохиролгүй хэмээн Онцгой байдлын ерөнхий газраас мэдээллээ.
