Өнөөдөр Кино урлаг үүсэж хөгжсөний 90 жилийн ойг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.
Энэ үеэр олон МУГЖ-д тодорч шагнуулсны нэг МУГЖ О. Оюун: Өнөөдөр кино урлаг үүсэж хөгжсөний түүхт 90 жилийн ойн баярын өдөр. Юун түрүүнд монголын кино урлагийг нэгэн цагт нуруундаа үүрч явсан ахмад уран бүтээлчид, арын албаныхан болоод бүх л ажилчдадаа энэ сайхан өдрийн баярын мэндийг хүргэе. Одоо ажиллаж байгаа мөн залуу уран бүтээлчдэдээ баярын мэндийг хүргэе. Миний хувьд бол кино урлаг гэдэг ертөнцөд хөл тавиад 40-өөд жил болсон байна. Ер нь бол бидний ажил мэргэжлийн онцлог бол хамтаар нэгдэж байж нэг цул болж байж бид нэг уран бүтээлийг гаргадаг энэ дандаа хамтын бүтээл байдаг. Тийм учраас би үе үеийнхээ хамтарч байсан хамтардаг гайхалтай авьяастай чадвартай мундаг хүмүүстээ бас энэ баяртай өдрийн мэндийг хүргэе ээ. Хамгийн гол нь биднийг магтаалтай нь зэмлэлтэй нь урам өгч ухааруулж байдаг үзэгчдэдээ бас энэ киночдын өдрийн баярын мэндийг хүргэе ээ. Уран бүтээлч хүнд бол хийсэн уран бүтээл болгон нь сэтгэлээ шингээдэг учраас бүгд миний сэтгэлд үлдсэн байдаг. Жүжигчний мэргэжил бол дангаараа, ганцаараа дүр бүтээх хүнд хүрэх тийм зам боломж бол байхгүй. Энэ бол дандаа хамтын бүтээл тийм учраас манай уран бүтээлчид дандаа хамтарч нэгдэж байж сая нэг уран бүтээлийн ард бид нар гардаг тийм учраас бүх уран бүтээлчдийн маань баяр. Бүгдэд нь баярын мэнд хүргэе
