Монгол Улс үйлдвэрлэгч орон биш. Эрчим хүч, шатахуунаа ч гаднаас импортолдог. Өнөөдөр Дулааны V цахилгаан станц төслийг бодит ажил хэрэг болгохоор түншлэгчтэй нь гэрээ байгуулж, эрчим хүчний салбарт 42 жилийн дараа өндөр хүчин чадлын станц барихаар болсон. Харин сүүлийн өдрүүдэд шатахуун авахаар дугаарлах нь иргэдийн хувьд “зовлон” боллоо. Шатахуун түгээгүүрүүдийн ойролцоо уртаас урт түгжрэл үүсэж, хэд ч хонов.
Аж үйлдвэр, эрдэс баялгийн яамнаас шатахуун хомсдох шалтгаан нь ОХУ-ын үйлдвэр засварт ороод байгаа талаар мэдээлсэн. Үүнээс үзвэл цаашид шатахууны хэвийн байх эсэх нь тодорхойгүй болж байх шиг байна.
Тэгвэл өнөөдрөөс автомашины дугаарын хязгаарлалт хийлгэж, түгжрэлийг шийднэ хэмээн эрх мэдэлтнүүд шахаж эхэлжээ.
Үүнийгээ дугаарын хязгаарлалтыг зохион байгуулах журамтай нийслэл рүү чихэж, хотын дарга Х.Нямбаатараар дугаар хязгаарлах ажлыг хийлгүүлэхээр тооцоолсон бололтой. Шатахууны хомсдолоос үүссэн түгжрэлийг шийдэхэд дугаарын хязгаарлалт чухал уу, шатахууны нийлүүлэлтээ шийдэх нь чухал уу гэдгийг бодолцож нэг үзмээр байна.
Сэтгэгдэл (1)