Энэ тогтоолыг Засгийн газар 2025.08.20 нд баталсан. Энэ оныг дуустал үйлчилнэ. Энэ хугацаанд 25 буюу түүнээс дээш хувийн уул уурхайн бүтээгдэхүүнээ Монголын уул уурхайн биржээр арилжаалсан бол компаниудын экспортолсон бүтээгдэхүүнийг бүгдийг нь буюу 75 хүртэлх хувийнх нь татварыг Монголын хөрөнгийн биржийн арилжааны үнээр тооцож АМНАТ авдаг болгожээ.
ФОКУСЛАВАЛ: Уул уурхайн бүх бүтээгдэхүүнийг Монголын Уул уурхайн биржээр худалдаалах ёстой. Үүний тулд Биржийн тухай хуулийг баталсан. Гэтэл Засгийн газар 55-р тогтоолоор 25 түүнээс дээш хувиа Монголын Биржээр арилжаалсан бол БНХАУ руу арилжаалсан үлдсэн 75 хувийг ч мөн Монголын Хөрөнгийн биржийн ханшаар тооцож татвар авахаар өөрчилсөн байна.
Уг тогтоолд “3.11.Ашигт малтмал экспортлогч аж ахуйн нэгж нь тухайн төрлийн экспортын бүтээгдэхүүний дөрөвний нэг, түүнээс дээш хувийг Уул уурхайн бүтээгдэхүүний биржээр арилжаалсан тохиолдолд нийт экспортод гаргасан тухайн төрлийн бүтээгдэхүүний ашигт малтмалын нөөц ашигласны төлбөр ногдуулах борлуулалтын үнэлгээг "Биржийн болон зах зээлийн үнийн эх сурвалжийн нэр зарлах тухай" Засгийн газрын 2016 оны 02 дугаар сарын 01-ний өдрийн 81 дүгээр тогтоолын 2 дугаар хавсралтад заасан Уул уурхайн бүтээгдэхүүний бирж (Монголын хөрөнгийн бирж)-ийн арилжааны үнээр тооцож, ашигт малтмалын нөөц ашигласны төлбөр ногдуулна.
3.12.Энэ журмын 3.11 дэх заалтыг 2025 оны 12 дугаар сарын 31-ний өдөр хүртэл дагаж мөрдөнө." гэжээ
Яаж ч бодсон БНХАУ руу шууд гаргаж байгаа нүүрс Монголын биржийнхээс хэд дахин өндөр үнэтэй байх нь тодорхой юм. Мөн хэд дахин өндөр татвар төлөх ёстой нь ч үнэн юм. Гэтэл Хятад руу өндөр үнэтэй зарсан нүүрсэнд Монголд зарсан үнээр татвар ногдуулах нь яаж ч бодсон Монгол Улсад ашигтай байж таарахгүй болоод байна.
