Энэ зунжингаа сошиалаар загнуулж, шүүмжлүүлж зам засварын ажлыг хийсэн Улаанбаатар хотын дарга Х.Нямбаатарын тэсвэр тэвчээр алдарсан уу, ийнхүү жиргэжээ.
- Шугам сүлжээний ажилтай холбогдуулан явган болон авто замыг эвдлээд, эргэн сэргээхгүй орхидог явдал нийслэлд түгээмэл байдаг. Тэгвэл энэ талаар хотын дарга Х.Нямбаатар "Дүүрэг орон нутаг, нийслэлийн төсвөөр хийгдсэн ажлын араас Эрчим хүчний яам дулааны шугам солино, шинэчилнэ, өргөтгөнө гээд хуулаад сэндийчээд хаячихдаг. Нөхөн сэргээж, ажлаа гүйцэд хийж хүлээлгэн өгөлгүй хаячихаад алга болно.
"Сарын өмнө комисс хүлээн авсан явган зам хуулаад хаячихлаа, Х.Нямбаатар аа" гээд бүтэн зунжин таны өмнөөс би зодууллаа, Чойжоо сайд аа. Нийслэл барьж байгуулна, танай яам араас нь сэндийчэж хаячихаад алга болно. Харин юм л болбол хойд хар овоохой гэгчээр нөгөө л Нямбаатар буруутан нь. Төсвийн хөрөнгөөр хувийн хотхон руугаа дулаан татдаг, өргөтгөдөг Чойжоо сайд аа, та энэ хядсан ногоон байгууламж, сүйтгэсэн нийтийн эзэмшил, явган замаа хэзээ нөхөн сэргээх вэ" гэжээ.
Сэтгэгдэл (1)