Монголын нөлөө бүхий бизнесмэнүүд болох "Таванбогд" группийн Ерөнхийлөгч Ц.Баатарсайханы хүү Б.Амарсайхан, "Эрэл"-ийн Б.Эрдэнэбатын хүү Тэмүүлэн, УИХ-ын гишүүн асан "ЖЕМ интернейшнл" группийн эзэн Ц.Цэрэнпунцаг нарын хүүд зодуулж нүүрний яс болон нүдний ухархаагаа цөмлүүлсэн хохирогчийг яллагдагчаар татах, Монгол Улсаас гарах эрхийг нь хязгаарласан хилийн хориг тавих яллагдагч нарын хүсэлтийн дагуу өнөөдөр шүүх хурал 13:00 цагт эхэллээ.
Энэ хэргийг үйлдэж яллагдагчаар татагдаад байгаа Э.Тэмүүлэн, Ц.Санжаачоймпил хочрыг 30 хоног баривчлан шалгаад саяхан гаргасан бөгөөд тэднээс авсан шилжилгээгээр тухайн үед хар тамхи татсан нь илэрсэн юм.
Харин "Таванбогд" группийн Ерөнхийлөгч, Монгол Улсын хөдөлмөрийн баатар гэх Ц.Баатарсайхан энэ хэрэгт холбогдсон хүүгээ хар тамхины шинжилгээнд оруулалгүйгээр долдугаар сарын 23-ны шөнө хил давуулан нисгэж, оргон зугатаалгасан бөгөөд өнөөдрийг хүртэл Монголын цагдаа баривчилж авчираагүй, барьж хориогүй сул явж байгаа билээ.
Хэргийг сануулбал: Энэ оны долдугаар сарын 18-19-нийг шилжих шөнө Сүхбаатар дүүргийн нутаг дэвсгэр, Хүүхдийн 100 -ын орчимд байрлах “Cante” гэх шөнийн цэнгээний газрын гадна гарсан гэх бөгөөд нийт 10 гаруй залуус хэргийн газарт байсан байж болзошгүй байна. Тодруулбал, хэргийн газарт УИХ-ын гишүүн асан Ц.Цэрэнпунцагийн хүү С, “Эрэл”-ийн Б.Эрдэнэбатын хүү Т нараас гадна “Таван Богд” группийн ерөнхийлөгч Ц.Баатарсайханы хүү нар байжээ. Тэдэнд Эрүүгийн хуулийн 11.6 буюу хүний эрүүл мэндэд хөнгөн хохирол санаатай учруулсан үйлдлээр яллагдагчаар татсан.
Саналыг шүүх 13:00 цагт хэлэлцэхээр товлосон бөгөөд хохирогч С шүүхийн танхим руу орлоо.
Сэтгэгдэл (0)
Сэтгэгдэл бичигдээгүй байна