Өчигдөр буюу энэ сарын 27-ны 00:05 цагийн үед Баянхошууны тойргийн ойролцоо олон машин мөргөлдөж, хүн машинд даруулсан байна ноцтой осол гарчээ. “Хьюндай" маркийн автомашины жолооч нь таван автомашин мөргөсний улмаас "Тоёота приус" маркийн автомашины жолоочийн амь хохирч, нийт найман хүн гэмтсэн энэхүү хэргийг Тээврийн цагдаагийн албаны Мөрдөн шалгах хэлтэс шалгаж байна.
Жолооч та бүхэн замын хөдөлгөөнд оролцох үедээ тээврийн хэрэгслийн бүрэн бүтэн байдлыг хангаж, анхаарал болгоомжтой байж, тээврийн хэрэгслийн хурдыг тогтоосон хэмжээнээс хэтрүүлэхгүй байх мөн суудлын бүсээ тогтмол зүүж өөрийн болон бусдын аюулгүй байдлыг ханган замын хөдөлгөөнд оролцохыг цагдаагийн байгууллагаас анхааруулж байна.
