Хичээлийн шинэ жилийг угтсан бүх нийтийн их цэвэрлэгээ энэ амралтын өдрүүдэд БЗД-ийн хэмжээнд нэгдсэн байдлаар зохион байгуулж байна. Нийслэл Улаанбаатар хотын хэмжээнд энэ жил нэгдсэн байдлаар зургаан удаа бүх нийтийн их цэвэрлэгээ зохион байгуулахаар төлөвлөсөн бөгөөд дөрөв дэх удаагийн их цэвэрлэгээ наймдугаар сарын 23,24-ний өдөр болно.
Нийтийн эзэмшлийн гудамж, зам талбай, гуу жалганд үүссэн хог хаягдлыг цэвэрлэх, гэр болон орон сууцны хорооллын гудамж зам талбайн цэвэрлэгээ, хөөстэй угаалга хийх, орчны бохирдлыг бууруулах, иргэн, аж ахуй нэгж, байгууллагуудыг цэвэрлэгээний үйл ажиллагаанд идэвхтэй оролцохыг БЗД-ээс уриалжээ
