2025 оны 07-р сарын 20-29-ний өдрүүдэд Азербайжан улсын нийслэл Баку хотноо Олон Улсын Эдийн Засгийн Олимпиад ( IEO-2025) амжилттай зохион байгуулагдлаа. Эдийн засаг, бизнес, санхүүгийн чиглэлээр ахлах ангийн сурагчдын дунд жил бүр зохион байгуулдаг тус олимпиад нь энэ жил найм дахь удаагаа болж, дэлхийн 53 орны 258 сурагч биеэр ба онлайн хэлбэрээр оролцож, багийн болон хувийн амжилтаараа өрсөлдсөн юм.
Үндэсний олимпиадаас шалгарсан 5 хүнтэй баг Монгол улсаа төлөөлж оролцсон бөгөөд бүрэлдэхүүнд Монгол Тэмүүлэл сургуулийн 2025 оны төгсөгч С.Энэрэл , Д.Оюунтуяа, 12-р ангийн сурагч С.Хос-Эрдэнэ Г.Өсөхбаяр, Р.Ананд нар орж өндөр амжилтыг үзүүллээ. Үүнд:
С.Хос-Эрдэнэ- хүрэл медаль
Г. Өсөхбаяр - хүрэл медаль
Р. Ананд - хүрэл медаль
С. Энэрэл - тусгай байр
Эдгээр амжилтаараа Монгол улс 53 орноос 23 дугаарт жагсаж, сурагчдын эдийн засгийн боловсролын чансаа ахисныг харууллаа.
