Шизүока хотын Яйзү хотоос тус хотын дунд сургуулийн сурагчдын дунд “Монголын тухай” сэдэвт гар зургийн уралдааныг 5 дугаар сард зохион байгуулж, уг гар зургийн уралдаанд шалгарсан эхний 10 сурагчийг Монгол Улсад аялах эрхээр шагнасан.
Тус гар зургийн уралдааны нэг бүтээлийг анх удаа Монгол Улсаас Япон Улсад суугаа Элчин сайдын нэрэмжит болгон зарласан бөгөөд бүтээлийг тус яамны хамт олноор сонгуулж, хамгийн олон санал авсан “Монгол гэр” бүтээлийн эзэн Монголд аялах эрхээ авч байсан нь ийнхүү биелж байна.
Анх удаа зохион байгуулсан гар зургийн уралдаанд тус хотын сурагчид идэвхтэй оролцон, шалгарсан 10 сурагч 8 дугаар сарын 4-9-ний өдрүүдэд Монгол улсад аялж, Улаанбаатар хотын Чингэлтэй дүүрэгт зочилж байна.
Сурагчид Монголд улсад зочлох үеэрээ нийслэлийн 149 дүгээр сургууль дээр өөрсдийн зурсан зургийн үзэсгэлэнг гаргаж, зургаа тайлбарлан Монгол сурагчидтай нэг өдрийг өнгөрүүлэв. Мөн Монгол бичиг, өв соёлтой танилцах, монгол шагай болон наадгайгаар наадах зэргээр монголын түүх, соёлын талаар мэдлэг мэдээллээ гүнзгийрүүлэн аялж байна.
