Оросын өндөр албан тушаалтны "өдөөн хатгасан шинжтэй" үг хэллэгийн хариуд цөмийн шумбагч хөлөг онгоцуудыг байрлуулах тушаал өгсөн гэдгээ АНУ-ын Ерөнхийлөгч Дональд Трамп баасан гаригт мэдэгджээ.
"Оросын Ерөнхийлөгч асан Дмитрий Медведевийн ихээхэн өдөөн хатгасан шинжтэй мэдэгдлүүд дээр үндэслэн... хоёр цөмийн шумбагч хөлөг онгоцыг тодорхой бүс нутагт байрлуулах тушаал өгсөн" гэдгээ Д.Трамп "Truth Social" нийгмийн сүлжээний хуудсандаа дурдсан байна. "Үг гэдэг бол маш чухал бөгөөд ихэнх тохиолдолд хүсээгүй үр дагаварт хүргэж болзошгүй байдаг, энэ нь тийм тохиолдлуудын нэг нь биш байгаасай гэж найдаж байна" хэмээн тэрбээр нэмж бичжээ.
