Авлигатай тэмцэх газрын Хяналт шалгалт, дүн шинжилгээний хэлтэс нь 2025 оны 6 дугаар сарын 30-наас 7 дугаар сарын 4-ний өдрүүдэд нийтийн албанд томилогдохоор нэр дэвшсэн 487 иргэний хувийн ашиг сонирхлын урьдчилсан мэдүүлгийг шалган, 292 мэдүүлгийг хянан шийдвэрлэлээ. Одоогоор ажиллагаанд 195 нэр дэвшигчийн хувийн ашиг сонирхлын урьдчилсан мэдүүлэг хянагдаж байна.
Өнгөрсөн долоо хоногт иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 67 гомдол, мэдээллийг хүлээн авч шалгаснаас 33 гомдол, мэдээллийг хянан шийдвэрлэлээ.
Иргэдээс ирүүлсэн гомдол, мэдээллийн дагуу 10 албан тушаалтны хувийн ашиг сонирхлын болон хөрөнгө, орлогын мэдүүлгийг хянан шалгав.
Авлигын эсрэг хуулийн 14 дүгээр зүйлийн 14.1, 14.2, 14.3-т заасан үндэслэл болон төрийн албаны ил тод байдал, төрийн албан хаагчийн хариуцлагатай, шударга байдлыг хангах, олон нийтийн мэдээлэл авах, хяналт оролцоог нэмэгдүүлэх зорилгоор 45630 мэдүүлэг гаргагчийн 2024 оны ХОМ-ийн хураангуйг тус газрын http://www.xacxom.iaac.mn цахим хуудсанд нээлттэй байршуулав.
Сэтгэгдэл (0)
Сэтгэгдэл бичигдээгүй байна