ОБЕГ-ын Ажиллагааны шуурхай штабаас томилогдсон ажлын хэсгийн бүрэлдэхүүн нийслэл, дүүргийн Шуурхай штабын үйл ажиллагаанд мэргэжил аргазүйн дэмжлэг үзүүлж, болзошгүй гамшиг, ослын үед үүрэг гүйцэтгэх бэлтгэл, бэлэн байдлыг шалгаж, газар дээр нь ажиллаж байна.
Ажлын хэсгийн бүрэлдэхүүн энэ сарын 07-ныг хүртэл нийслэлийн 9 дүүрэг, Төв аймагт ажиллаж, ой, хээрийн гал түймэр, үер, усны ослоос урьдчилан сэргийлэх хүрээнд авч хэрэгжүүлж байгаа ажилтай танилцаж, үерийн үед ажиллах удирдлага, зохион байгуулалт, төлөвлөлтийн хэрэгжилт, эрсдэлийг бууруулах чиглэлийн үйл ажиллагаатай танилцаж, аргазүйн дэмжлэг үзүүлж байгаа юм.
Мөн гамшиг, ослын үед үүрэг гүйцэтгэх хүн, хүч хэрэгслийн томилгоо, техник, багаж, хэрэгслийн бэлэн байдлыг шалгаж, цаашид авч хэрэгжүүлэх арга хэмжээний саналыг боловсруулна.
