Нийслэлийн Иргэдийн Төлөөлөгчдийн Хурлын дарга А.Баяр: Ердөө хэдхэн хоногийн өмнө "Зуны зугаа-113" тоглолтын үеэр өсвөр насныхны сэтгэл сэртхийлгэм хэргүүд гарсан. Нэгнээ өрөвдөж хайрлах нинжин сэтгэлгүй, омог дээрэнгүй, хэрцгий ирээдүйг бид бүтээж болохгүй. Бүх хүн үр хүүхдийнхээ сэтгэл зүй, сэтгэлийн боловсролд анхаарах цаг ирсэн.
Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлийн даргын хувьд үүнд онцгой анхаарч Монгол адууны диваажин Horse eaven ТББ-тай хамран Монгол ахуй соёл, мал амьтнаар дамжуулж "Өрөвч, нинжин сэтгэлийн боловсрол" олгох "Empathy education" хөтөлбөрийг хэрэгжүүлж байгаа билээ.
Хөтөлбөрт Нийслэлийн Ерөнхий боловсролын 32 сургуулийн 3000 хүүхэд хамрагдаж байна. Сурагчид Улаанбаатар хотоос 50 км-ын зайд орших мал бүхий 20 айлд долоо хоног бүрийн бямба гарагийг сонгон Монгол ахуйтайгаа танилцаж, монгол хүүхдийн мэдвэл зохих ахуйд амьдарч, бие даан, хонь хурга ишигтэй тоглон өдрийг дурсамж дүүрэн өнгөрүүлж байна гэв.
