МАН-ын дэргэдэх "Ардын хүч" ТББ -ын төлөөлөл бага хурлыг яаралтай хуралдуулах шаардлагыг намын генсек Я.Содбаатарт өгөх талаараа мэдээлэл өглөө.
"Ардын хүч" ТББ-ын тэргүүн Б.Амарсанаа: МАН-ын Бага хурлын хуралдаанаас гарсан шийдвэр хэрэгжихгүй хоёр долоо хонож байна. Хэдийгээр УИХ-аар Засгийн газарт итгэл үзүүлэхгүй гэсэн шийдвэр гарсан боловч шинэ байгуулагдах Засгийн газар товхизнож чадахгүй олон хонож байгаа нь ард иргэд болон сонгогчдын мөн намын гишүүдийн урмыг хугалах эргэлзэх нөхцөлд хүргэж байна. Иймд "Ардын хүч" ТББ-ын зүгээс намынхаа удирдлагад шаардлага хүргүүллээ. Бага хурлын товыг яаралтай зарлах, хүний нөөцийг сонгон шалгаруулах журмыг баримтал гэсэн шаардлагыг хүргүүлж байна. Шинэ байгуулагдах Засгийн газар хуучин Засгийн газрын сайн төслүүд болох мега төслүүдийг үргэлжлүүлэх хэрэгтэй гэсэн санаачилга гаргаж байна гэлээ.
