Өнгөрсөн бямба гаригт болсон “ЗУНЫ ЗУГАА” тоглолтын үеэр бусдыг хутгалж, гэмтээсэн хэргийн талаар ЦЕГ-аас мэдээлэл өгч байна.
ЦЕГ-ын хэвлэл мэдээллийн төвийн ахлах мэргэжилтэн, хошууч С.Баярбилэг: Гэмт хэрэг зөрчлийн шинжтэй 35 дуудлага мэдээлэл буртгэгдсэн байна. Тоглолтын хамгаалалтанд 145 алба хаагч хяналт тавиж ажилласан. Хяналт тавиад ажиллаж байх үед хутга 10, зодооны хэрэгсэл хоёр ширхэгийг хурааж авсан мөн алдсан буюу гээгдсэн эд зүйлс 18 олж эзэнд нь хүлээлгэж өгсөн. Төөрсөн болон насанд хүрээгүй иргэн архи согтууруулах ундаа хэрэглэсэн нийт 22 иргэнийг олж ар гэрт нь хүлээлгэж өгсөн. Биедээ хохирол буюу гэмтэл авсан гурав асуудалд шалгалт хийгээд явж байна. Гэмт хэрэг үйлдсэн этгээдийг олж тогтоогоод шалгалтын ажил үргэлжлээд явж байна гэв .
