Өнөөдөр \2025.05.23\ Үндэсний их баяр наадмыг зохион байгуулах хорооны ээлжит хуралдаан болж, Наадмын “Хүндэтгэлийн Концерт”-ыг зохион байгуулах найруулагчаар Урлагийн Гавьяат Зүтгэлтэн, Бүжиг дэглээч Д.Баярбаатарыг сонгож, баталлаа.
“Хүндэтгэлийн Концерт”-ыг “АЛТАН СОЁМБЫН АЯЛГУУТ ЭГШИГЛЭН” нэрээр Монгол түмний гайхамшигт өв соёл, бахархал омогшил, нүүдэлчдийн оюуны сэтгэлгээг харуулсан дуу, хөгжим, бүжгийг нэгэн дор дуурьсах, өвөрмөц онцлог бүхий шинэ техник технологийн дэвшилд тулгуурлан, уламжлал шинэчлэлийг хослуулан толилуулах юм.
Үндэсний их баяр наадам бол Монгол түмний итгэл үнэмшил, Тусгаар тогтнол, Төрийн их бэлгэдэл, ард түмний эвлэлдэн нэгдэх оюун санаа, ухамсар, үнэт зүйлсийг илэрхийлсэн гүн утга агуулгатай баяр юм.
Монгол Наадам бол зөвхөн Монголчуудын баяр бус энэ дэлхийн өнцөг булан бүрд тархан суугаа Монгол угсаатан, нүүдэлчдийн баяр. Тийм ч учраас Үндэсний их баяр наадмыг үзэх хүсэл сонирхолтой жуулчдын тоо жил бүр нэмэгдэж байна.
Наадмын нээлт, хаалтын арга хэмжээнд ашиглах тайзны зохион байгуулалтад анхаарч, үзэгчид, бөхчүүдэд саад болохгүй, зөөж буулгахад хялбар, хөнгөн, автомат, аюулгүй, шинэлэг байхаар шийдэх
Үндэсний их баяр наадмын нээлт хаалтын арга хэмжээг шууд дамжуулах, сурвалжлах, хурдан морины уралдааныг дамжуулах хэвлэл мэдээллийн байгууллагуудыг зохион байгуулалтад оруулж эртнээс бэлтгэл ажлыг хангах
Наадмын нээлт, хаалтын тасалбарын үнийг шийдэж, гадаадын жуулчид, үзэгчдэд худалдаалах товыг эргэн танилцуулах,
Хурдан морины сэрвээ хэмжих төхөөрөмжийг ойрын хугацаанд туршиж танилцуулах,
Үндэсний их баяр наадмаар амжилт гаргасан бөх, хурдан морь, унаач хүүхэд, сур, шагайн харваачдад олгох шагналыг үнэ цэнтэй, агуулга бүхий болгох тал дээр анхаарах
Төв цэнгэлдэх хүрээлэнгийн засвар үйлчилгээ, ногоон зүлэг дэвсэх ажлыг чанартай гүйцэтгэж, наадмын нээлт хаалтын үйл ажиллагаанд бэлтгэж байгаа уран бүтээлчдийг бэлтгэл сургуулилт хийх боломж нөхцөлөөр хангах
Үндэсний их баяр наадмыг зохион байгуулах салбар хороод болон Нийслэл, Сангийн яам, Соёл, спорт, аялал жуулчлал, залуучуудын яам, бусад байгууллагууд уялдаа холбоотой ажиллаж 6-р сарын 15 гэхэд эхний үзлэгийг хийхийг салбар хороодын дарга, гишүүдэд даалгалаа.
