Өсвөр үеийнхний эрүүл мэндийг дэмжих сарын аяны хүрээнд Өсвөр насныханд тулгамдаж буй эрүүл мэндийн асуудлын талаарх олон нийтийн ойлголтыг сайжруулах, анхаарлыг хандуулах зорилгоор “ӨСВӨР ҮЕИЙНХНИЙГ СОНСЪЁ, ОЙЛГОЁ” нээлттэй өдөрлөгийг Баянзүрх дүүргийн Эрүүл мэндийн төв, “Нийгмийн Эрүүл мэндийн Алба”- наас санаачлан 2025 оны 05 дугаар сарын 12-ний өдөр Жуков, Спорт, хөл бөмбөгийн талбайд зохион байгууллаа.
Нээлтийн Арга хэмжээнд:
Баянзүрх дүүргийн Эрүүл мэндийн тавийн Дарга: И. Батзаяа, Нийгмийн Эрүүл мэндийн тусламж үйлчилгээ эрхэлсэн орлогч Дарга Ж. Нарантуяа нар оролцож Өсвөр үеийнхэнд чиглэсэн Эрүүл мэндийн болон, Нийгмийн эрүүл мэндийн тусламж үйлчилгээний чиглэлийг онцоллоо.
Тус өдөрлөгөөр:
Халдварт болон халдварт бус өвчнөөс урьдчилан сэргийлэх, нөхөн үржихүйн эрүүл мэнддээ анхаарах нь, Анхны тусламж , Эрүүл зөв хооллолт, сэтгэлзүйн эрүүл мэндээ хамгаалах, Эрүүл амьдралын хэв маяг идэвхтэй дасгал хөдөлгөөний ач тус, хүчирхийллээс өөрийгөө хэрхэн хамгаалах чиглэлийн хүрээнд эрүүл зан үйлд уриалж эрүүл мэндийн боловсрол олгох мэдээлэл, сурталчилгааг хүргэж ажиллаа.
Арга хэмжээнд урилгаар: Нийслэлийн Баянзүрх дүүргийн 102 дугаар сургуулийн 12б ангийн сурагч: Д. Төгсбаяр- Эрүүл мэндийн орчин дахь хүүхдийн эрх хамгаалал илтгэлээр, Баянзүрх дүүргийн Хүүхдийн зөвлөлийн “Neptune” Амьд хөгжмийн хамтлаг, Баянзүрх дүүргийн “Хүүхэд залуучуудын хөдөлгөөний “Rising Stars” Бүжгийн хамтлаг, Uuree,s dance хамтлагийн бүжигчид хамтран ажиллаж урлагийн номер үзүүлж, тэмцээн уралдаан зохион байгуулж, хөгжилтэй хөөрөлтэй, мэдлэгтэй мэдээлэлтэй нэгэн өдрийг өсвөр үеийнхэнтэйгээ, тэдний дуу хоолойг сонсож, ярилцаж өнгөрүүллээ.
