Говийн бүсийн зөвлөлийн анхдугаар хуралдааны үеэр “Түншлэл-Хамтын ажиллагаа үзэсгэлэн” худалдаа арга хэмжээ зохион байгуулагдаж байна. Үзэсгэлэн арга хэмжээнд говийн бүсийн нийт 20 хоршоологчид оролцож брэнд бүтээгдэхүүнээ танилцуулж байна.
"Шинэ хоршоо хөдөлгөөн”-ий хүрээнд Говийн бүсийн Дорноговь, Говьсүмбэр, Дундговь, Өмнөговь аймгуудад нийт 1394 хоршоо байгуулагдаж, 13,789 малчин хоршоонд гишүүнээр элссэн. Үүнээс 945 хоршооны гишүүн 3,321 малчин хоршоологч 123,65 тэрбум төгрөгийн хөрөнгө оруулалтын зээлд хамрагдаад байна.
Монгол Улсын Засгийн газраас мал аж ахуйн салбарыг уур амьсгалын өөрчлөлтийн сөрөг нөлөөллөөс хамгаалах, гэнэтийн гамшиг ослын үеийн эрсдэлийг бууруулах, малчин өрхийн амьжиргааг дэмжих, орлогыг нэмэгдүүлэх, мал, малын гаралтай түүхий эд, бүтээгдэхүүний мөнгөн урсгалыг тогтмолжуулах, хүнсний аюулгүй байдал, тогтвортой нийлүүлэлтийг бий болгох, хоршоологч, үйлдвэрлэгчийн түншлэлийг дэмжиж, жижиг, дунд үйлдвэрлэлийг тогтвортой хөгжүүлэх, хотын төвлөрлийг бууруулж хөдөөгийн сэргэлтийг бодит ажил болгох зорилгоор “Шинэ хоршоо хөдөлгөөн”-ийг амжилттай өрнүүлж байна.
