Төгрөг нуурын стратегийн ордыг гадаадынханд 250 сая ам.доллараар зарсан гэх УИХ-ын гишүүн Х.Баттулгын хэргийг Засгийн газар холбогдох хууль хяналтын байгууллагаар шалгуулахаар болсноо өнөөдөр мэдэгдсэн. Энэ дуулиант хэрэгтэй холбоотойгоор тус ордод 20 хувийг нь эзэмшиж, гүйцэтгэх захирлаар нь ажиллаж байсан "антрактит" Дүгэрсүрэн агсны үхлийг хардаж буйгаа охин Болорчулуун нь өчигдөр мөн мэдэгдэж ордтой холбоотой баримтыг АТГ-т өгөөд байгаа билээ. Үүнтэй холбоотойгоор төрөөс хамгаалалт хүссэн бол өнөөдөр Х.Баттулгатай холбоотой эрэн сурвалжилсан нэвтрүүлэг хийсэн сэтгүүлч Д.Дөлгөөн мөн хамгаалалт хүсч буйгаа цахим хуудастаа бичсэнийг фокуслан хүргэж байна. Тэрбээр бичихдээ
- Хорлогдох вий гэсэн болгоомжлол хүмүүс их хэлж байна. Х.Баттулгын хууль бус баримтуудыг сэтгүүлч мэргэжлийнхээ хүрээнд, таны мэдэх эрхийг хүндэтгэж мэдээлсэн биш АМЬ НАСАНД заналхийлэл тулж иржээ гэдгийг сая ухаглав. Тиймээс 1992 оны Үндсэн хуулийн 16-р зүйлийн 1-д бичигдсэнээр " 1/амьд явах эрхтэй. Монгол Улсын Эрүүгийн хуульд заасан онц хүнд гэмт хэрэг үйлдсэний учир шүүхийн хүчин төгөлдөр тогтоолоор ялын дээд хэмжээ оногдуулснаас бусад тохиолдолд хүний амь нас бусниулахыг хатуу хориглоно;" гэснээр эрхээ эдэлье. Намайг ч бас хуулийн хамгаалалтанд авахыг ЦЕГ-аас хүсч байна гэжээ
