И спортын “The Mongolz” багийн ахлагч Blitz буюу Б.Гарьдмагнайг фокуслаж байна
Blitz буюу Б.Гарьдмагнай 2001 оны 6 сарын 26-нд Улаанбаатар хотод төрсөн. Айлын том, Мэргэжлийн Counter-Strike 2 тоглогч юм. 12 наснаасаа шатар тоглож эхэлсэн. Шатрын FIDE мастер цолтой. Шатрын спортын Blitz төрөл буюу түргэн тоглолтын төрөлд нь дуртай учир ийм нэртэй болжээ. Анх Шатрын дэлхийн аваргат явах гээд их сургуулиасаа чөлөө авсан үед нь Checkmate багаас санал ирж, саналыг хүлээж авснаар тоглож эхэлжээ.
2024 оны “Thunderpick World Championship 2024” тэмцээнд The Mongolz аварга болж, Blitz финалын шатны MVP болсон байдаг. Мөн энэ хүртэлх хугацаанд 5 стикер гаргажээ.
Төрөлхийн лидер, багийнхаа амин сүнс, ар тал нь гэдгийг и спорт сонирхдог хүн бүр тоглолтоос нь хараад мэдэх байх.
Дээгүүрээ намайг зарчихдаггүй юм бол би Mongolz-оос явахгүй гэж байсан тэрээр 30 гартлаа тоглолтоо үргэлжлүүлж, болсон гэж үзэхээрээ Counter strike эсвэл шатарын дасгалжуулагч болох байх хэмээн ярьжээ. Аварга болох амбиц, потенциалтай хэмээн багтаа итгэдэг Blitz болон “The Mongolz” багийнхандаа амжилт хүсье.
