Өнөөдөр буюу 2025 оны гуравдугаар сарын 19-ний байдлаар Улаанбурханы лабораториор батлагдсан 59 тохиолдол бүртгэгдсэн бол сэжигтэй 35 тохиолдол хяналтад байгааг Халдварт өвчин судлалын төвөөс мэдээллээ.
Шинэ батлагдсан болон сэжигтэй тохиолдол хүүхдийн байгууллагуудад бүртгэгдэж байгаа тул хүүхдийн байгууллагын удирдлага болон багш, эмч нар ирцийн болон шинж тэмдгийн тандалтад онцгой анхаарч, улаанбурхан өвчнийг эрт илрүүлэх шаардлагатайг анхаарууллаа. Мөн эцэг, эх, асран хамгаалагчид хүүхдийнхээ эрүүл мэндэд хариуцлагатай хандаж, улаанбурханы эсрэг товлолт вакцинд бүрэн хамруулсан эсэхийг тодруулах, товлолын дагуу улаанбурханы эсрэг вакцины 2 тунд хамрагдаагүй бол өрх, сумын эрүүл мэндийн төвд хандан улаанбурханы эсрэг вакцинд нөхөж хамруулахыг анхаарна уу.
