Өнөөдрийн Засгийн газрын ээлжит хуралдаанаас гарсан зарим онцлох шийдвэрийг фокуслая.
20 гаруй жил яригдаж буй Эгийн голын УЦС-ыг барихтай холбоотой туслах далангийн ТЭЗҮ боловсруулах зардлыг Засгийн газар дэмжиж баталлаа.
Үүнтэй холбогдуулан Байгаль орчин, уур амьсгалын сайд С.Одонтуяа мэдээлэл өгсөн. Түүний мэдээлснээр,
- Эгийн голын усан цахилгаан станцын хамтарсан Ажлын хэсэг байгуулагдаж Монголын талаас 7 хүний бүрэлдэхүүнтэй багийн судалгааны ажил амжилттай үргэлжилж байна. Өнөөдрийн ЗГ-ын хурлаар Монголын талаас хийж гүйцэтгэх судалгааны дөрвөн ажил байгааг танилцууллаа. Эхний ээлжид туслах далангийн ТЭЗҮ-г боловсруулах санхүүжилтийг дэмжихээр боллоо. Бид ажлаа төлөвлөгөөний дагуу хийж байгаа ба үүний дагуу 2026 оны эхний хагаст Эгийн голын УЦС-ын нөлөөллийн талаар эцсийн дүгнэлтийг гаргах ба Эгийн голын УЦС-тай болсноор Монгол Улсын эрчим хүчний салбарт томоохон, чухал хувь нэмэр болно гэж үзэж байна гэв
