Талийгаач жүжигчин Ким Сэ рун болон Ким Сү Хён нарын хооронд үүссэн асуудлаас үл хамааран Ким Сү Хёны тоглосон "Knock off" кино үргэлжилнэ хэмээн кино компани нь мэдэгдсэн билээ. Уг киноноос Ким Сү Хён анги тус бүрд 800 сая воны цалин авч байгаа юм. Гэвч Ким Сү Хёны агентлаг болох "Gold Medalist" талийгаач Ким Сэ Рун-ээс 700 сая вон нэхэмжилснээс болж түүнийг амиа хорлосон хэмээн талийгаачийн гэр бүл мэдэгдсэн. Үүнээс үүдэн нэтизэнчүүд "Ганц киноны ангиас тоглоод түүнээс нэхэмжилсэн мөнгөө олох байж 6 жил үерхсэн эмэгтэйгээсээ тийм мөнгөө нэхэмжиллээ. Түүнээс болж тэр үхсэн. Ким Сү Хён үзэн ядаж байна" хэмээн сэтгэгдлээ илэрхийлсээр байна.
