Монголбанкны Ерөнхийлөгч Б.Лхагвасүрэн цаг үеийн асуудлаар мэдээлэл өглөө. Тэрээр "Ипотекийн зээлийг Монголбанк хэрэгжүүлээд явж байна.
Эргэн төлөлтөөр санхүүжигддэг. Өнгөрсөн онд 1.3 их наяд төгрөгийн санхүүжилт олгогдсон байгаа. Түүний 800-аад тэрбум төгрөг нь Монгол банк болон арилжааны банкуудаас гарсан. Хуримтлалын сангаас 500 тэрбум төгрөг зарцуулсан. Энэ онд мөн дээрх хэмжээний санхүүжилт гарна гэж бодож байна. Эрэлт өндөр байгаа учир оочер байгаа. Ипотекийн зээлийг хашаандаа хөрс бохирдуулахгүй, утаа гаргахгүй бол олгоно. Түүнчлэн барилгын стандартад хяналт тавина. Амины орон сууц ч гэсэн ипотекийн зээлийн барьцаа хөрөнгө болох учраас барилгын стандарт, үнэлгээний асуудлыг судалж шийдвэрлэх нь зүйтэй. . Хотын төвд өндөр хүүтэй, хотын зах, орон нутагт бага хүүтэй зээл олгоно. Ипотекийн зээлийн хүүг тухайн орон сууцны хэмжээнээс хамаараад 6-10 хүртэлх хувиар тооцож олгох нь зүйтэй гэж үзэж байгаа. Хамгийн ихдээ 14 хувь хүрнэ гэж харж байгаа. Журам батлагдсан. Арилжааны банкууд судалгаа хийж байгаа байх" гэв.
