“ЭРДЭНЭС ТАВАНТОЛГОЙ” ХК ЭРЧИМ ХҮЧНИЙ НҮҮРСИЙГ АНХ УДАА БИРЖЭЭР АРИЛЖААЛЛАА

С.Бадарч
Өчигдөр 14 цаг 44 минут

“Эрдэнэс Тавантолгой” ХК нүүрсний ээлжит цахим арилжааг өнөөдөр /2023.03.24/ амжилттай зохион байгуулж, 15 багц 96,000 тонн эрчим хүчний нүүрсийг анх удаа биржээр арилжаалжээ.

Цахим арилжаанд нийт дөрвөн аж ахуйн нэгж оролцож, нэг тонн эрчим хүчний нүүрсийг 68.30 ам.доллароос дуудан 73.30 ам.доллароор арилжсан байна. Өмнө нь түүхий коксжих нүүрсийг биржээр арилжаалж байсан. Энэ удаад эрчим хүчний нүүрсийг биржээр ийнхүү амжилттай борлууллаа. "Эрдэнэс Тавантолгой" ХК 2020 онд эрчим хүчний нүүрсийг уурхайн ам нөхцөлөөр тонн тутмыг 9.5 ам.доллароор борлуулж байсан бол өнөөдөр хил нөхцөлөөр 73.30 ам.доллароор амжилттай борлуулсан нь энэ юм.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна