РЦНК орчимд барилга барьж буй компанийн газрын зөвшөөрлийг цуцлах захирамж гарлаа

Б.Намуунзаяа

2023/07/26

Баянзүрх дүүргийн нэгдүгээр хороо, РЦНК орчмын зарим оршин суугч, иргэдийн гаргасан гомдолтой холбоотойгоор үүсээд буй асуудлын талаар Нийслэлийн Ерөнхий архитектор бөгөөд Хот байгуулалт, хөгжлийн газрын дарга Ц.Тулга мэдээлэл хийлээ.

Нийслэлийн Ерөнхий архитектор бөгөөд Хот байгуулалт, хөгжлийн газрын дарга Ц.Тулга: Баянзүрх дүүргийн нэгдүгээр хороо, РЦНК орчимд барилгын үйл ажиллагаатай холбоотой иргэдийн эсэргүүцэл, гомдол ирж улмаар хурц хэлбэрт шилжсэн. БЗД-ийн 1380 метр квадрат газрын зөвшөөрлийг цуцлуулахаар 2022 онд тус хорооны иргэд үйл ажиллагаа явуулж буй компанийг шүүхэд өгсөн ч тус оны есдүгээр сард иргэдийн гаргасан нэхэмжлэхийг хэрэгсэхгүй болсон. Уг шийдвэр дээр үндэслэн барилга барьж буй аж ахуйн нэгж дахин үйл ажиллагаа явуулсан.

Үүссэн нөхцөл байдалтай холбогдуулан Нийслэлийн Засаг дарга тус компанийн барилгын зөвшөөрөл, архитектор төлөвлөлтийн даалгавар, төлөвлөгөөг түдгэлзүүлсэн захирамж гаргалаа.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ

УИХ-ын хаврын чуулганд 76 гишүүнээс ердөө 13 нь л бүрэн ирцтэй оролцжээ

9 цаг