С.Эрдэнийн хүмүүс эхнээсээ “явж” эхэлсэн үү?

Энэ сарын эхээр С.Эрдэнэ Удирдлагын багийн хурал гэгчийг хийжээ. Харин Удирдлагын багт нь яалт ч үгүй байх ёстой хоёр эрхэм ирээгүй байна. Тэд бол бидний мэдэх М.Энхсайхан болон УИХ-ын гишүүн Д.Ганбат.

Д.Ганбат бол С.Эрдэнийн АН гэгчээс ҮБХ-ныхоо хурлаар АН-ын даргаар шинээр сонгогдон гарч ирсэн тул ирэх ёстой хүн нь мөнөөсөө мөн. Харин АН-ын даргын суудлаа Л.Гантөмөрт алдчихсан. Түүнээс гадна Д.Ганбат АН-ын дарга болох гэж С.Эрдэнэд их хэмжээний мөнгө өгсөн, харин дарга болж чадаагүй тул мөнгөө буцаан нэхэн түр тар хийсэн гэх мэдээ нэг хэсэг чих дэлссэн.

Харин М.Энхсайхан бол Монгол Улсын Ерөнхий сайдаар ажиллаж байсан хүн. Мөн Шадар сайд, АН-ын дарга, УИХ-ын гишүүнээр ажиллаж байсан намынхаа лидер нь байлаа.

С.Эрдэнийн хувьд өөрийнхөө АН-ын төлөө УДШ-тэй “үхэн хатан” үзэлцэж яваа. Гэтэл дээрх хоёр “эрхэм” ирсэнгүй. Иймд Удирдлагыг багийн хуралдаа Удирдлагын багтаа байдаггүй хүмүүсээс оролцуулсан байна.

АН-ын энгийн гишүүдийн заримынх нь санал бодлыг сонсвол “Манай нам нэг л нам шүү дээ. Дээгүүрээ л сандал суудлаа булаацалдаад байгаа болохоос биш. Одоо тэгээд хэн нь албажсанаа дагаад л явах байх даа” гэж өгүүлж сууна.

Харин С.Эрдэнийг дагаж яваа АН-ын хэсэг нөхөд Л.Гантөмөрийн эсрэг гаргасан тэдний гомдлыг хэрэгсэхгүй бол С.Эрдэнээс “явна” гэж тохирцгоосон юм байх.

“Ядаж байхад яр” гэгчээр УДШ-ээс “С.Эрдэнэ нар нь төрийн үйл ажиллагааны эсрэг олон нийтийг турхирсан шинжтэй үйл ажиллагаа явуулж байна” гэх мэдэгдлийг гаргачихаад байгаа.

Тэгвэл өчигдөр буюу гуравдугаар сарын 06-нд  “С.Эрдэнийн гомдлын дагуу хэрэг үүсгэх” эсэх шүүгчийн захирамж гарах сүүлчийн өдөр бөгөөд шийдвэрээ гаргажээ.

Тодруулбал, “Захиргааны хэргийн нэр бүхий шүүгч С.Эрдэнийн гомдлыг хүлээж авч, танилцаад хэрэг үүсгэхээс татгалзан шийдвэрлэж, “татгалзсан захирамж” гаргасан гэх мэдээлэл байна.