Иран улсын Аж үйлдвэр, уул уурхай, худалдааны дэд сайд тэргүүтэй төлөөлөгчид Монгол Улсад айлчилж байна

2022/08/31

Монгол Улсын Гадаад харилцааны сайд Б.Батцэцэг Исламын Бүгд Найрамдах Иран Улсын Аж үйлдвэр, уул уурхай, худалдааны дэд сайд Мохаммад Мехди Барадаран тэргүүтэй төлөөлөгчдийг 8 дугаар сарын 30-ны өдөр хүлээн авч уулзав.

Талууд хоёр орны харилцаа, хамтын ажиллагааны асуудлаар санал солилцож, эртний түүхэн хэлхээ холбоотой Монгол, Ираны уламжлалт харилцааг өргөжүүлэн бэхжүүлэхийн төлөө хамтран ажиллахаа нотлов.

Мохаммад Мехди Барадараны Монгол Улсад хийж буй ажлын айлчлал нь манай хоёр улсын харилцаа, хамтын ажиллагааг аж үйлдвэр, худалдаа, эдийн засаг, хөрөнгө оруулалтын салбарт гүнзгийрүүлэн хөгжүүлэхэд чухал ач холбогдолтой болж байна.

Исламын Бүгд Найрамдах Иран Улсын Аж үйлдвэр, уул уурхай, худалдааны дэд сайд Мохаммад Мехди Барадараны ажлын айлчлал 8 дугаар сарын 29-ний өдрөөс 9 дүгээр сарын 1-ний өдөр хүртэл үргэлжлэх бөгөөд төлөөлөгчид Монгол Улсын Уул уурхай, хүнд үйлдвэрийн яам, Байгаль орчин, аялал жуулчлалын яам, Эдийн засаг, хөгжлийн яам, Хүнс, хөдөө аж ахуй, хөнгөн үйлдвэрийн яамны удирдлага, мөн Нийслэлийн Засаг даргатай тус тус уулзалт хийж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ

100 цэцэрлэгийн багшийг "Соёлын боловсролын сургагч багш"-аар бэлтгэнэ

16 цаг