БНАСАУ-ын аялал жуулчлалын хоёр компани гадаад жуулчид хүлээн авна. Тус улс цар тахлаас хойш, таван жилийн турш гадаад жуулчид хүлээн аваагүй.
Бээжинд төвтэй, Koryo Tours-ын цахим хуудсанд бүртгүүлж Ардчилсан Солонгосын Самжиён хотод ирэх арванхоёрдугаар сараас эхлэн аялах боломжтой болжээ.
Мөн Хятадад төвтэй, “KTG Tours” компани нүүр номоороо дамжуулан гадаад жуулчид Самжиёнд ирж болохыг мэдэгдсэн байна. Энэ хот БНАСАУ-БНХАУ хилтэй ойр оршдог бөгөөд Хойд Солонгосын удирдагч Ким Жон Уны төрсөн нутаг юм. Энд ариун Пэкту уул бий.
2020 онд ковид-19 цар тахал гарахад Хойд Солонгос хилээ бүрэн хааж, өөрийн иргэдээ ч хил нэвтрүүлээгүй. 2023 оны сүүлийн хагасаас эхлэн солонгос иргэд нутагтаа очжээ.
Тус улсад хамгийн сүүлд очсон гадаад жуулчид нь өнгөрсөн хоёрдугаар сард ОХУ-аас очсон жуулчид юм. Цар тахлаас өмнө ч БНАСАУ аялал жуулчлалыг хязгаарлаж, жилд ердөө 5000 европ жуулчин нэвтрүүлдэг байжээ.
