Гэр, бүл хөдөлмөр, нийгмийн хамгааллын яамнаас 2024 онд баталсан “Бага насны хүүхдийн цогц хөгжлийг дэмжих арга хэмжээ, төлөвлөгөө”-ний хэрэгжилтийг хангах хүрээнд бага насны хүүхдийн хөгжлийг дэмжихэд эцэг, эх, асран хамгаалагчдыг чадавхжуулах үйлчилгээний загварыг бий болгохоор зорин ажиллаж байгаа юм. Дээрх ажлын хүрээнд “Бага насны хүүхдийн хөгжлийн цогц хөгжил”-ийг дэмжих Үндэсний сургагч багш бэлтгэх сургалтыг 10 дугаар сарын 03-04-ний өдрүүдэд Хүүхэд, гэр бүлийн хөгжил, хамгааллын ерөнхий газар, Сургуулийн нийгмийн ажилтнуудын нийгэмлэг ТББ, Хайрын шүхэр НҮТББ-тай хамтран зохион байгуулав
Тус сургалтад хүүхдийн хөгжил, хамгааллын чиглэлээр ажиллаж байсан туршлагатай, сургалт зохион байгуулж, багшлах чадвартай, нийгмийн ажил хийж байсан 35 хүнийг хамруулж, бага насны хүүхдийн цогц хөгжлийг дэмжих, нийгмийн үйлчилгээний хүртээмжийг нэмэгдүүлэх эцэг, эх, асран хамгаалагч олон нийтэд чиглэсэн сургалт, нөлөөллийн ажил зохион байгуулах үндэсний сургагч багшаар бэлтгэж байна
Цаашид Үндэсний сургагч багшаар бэлтгэгдсэн хүмүүс 21 аймаг, 9 дүүрэгт эцэг, эх, асран хамгаалагчдыг чадавхжуулах чиглэлээр Хүүхэд, гэр бүлийн хөгжил хамгааллын газар, хэлтсүүдтэй хамтарч 30-аас доошгүй сургалт зохион байгуулах юм.
