Хөлбөмбөгийн тайлбарлагч Э.БАЛЖИННЯМ агсны нэрэмжит “Оны шилдэг хөлбөмбөгийн зүтгэлтэн” шалгаруулах үйл ажиллагаа амжилттай зохион байгуулагдаж, 2026 оны шилдгээр Сэлэнгэ аймгийн Сайхан сумын Спорт клубын зөвлөх Доржийн Ганбаатар шалгарч ӨРГӨМЖЛӨЛ, НЭГ САЯ ТӨГРӨГ бүхий шагналыг гардууллаа
30 гаруй жил спортоор амьсгалж, хөлбөмбөгийн хөгжилд зүтгэсэн түүний хөдөлмөр, зүтгэл шавь нарынх нь амжилтаар ийнхүү үнэлэгдлээ.
Сүүлийн хоёр жилийн онцлох амжилтууд:
2025 он
• Өсвөр үеийн Лигийн тэмцээн – 14 нас: хүрэл медаль
• Сэлэнгэ аймгийн АШТ – 15 нас: алтан медаль
• 12 нас: хүрэл медаль
• 10 нас: хүрэл медаль
2026 он
• “Мөрөөдлийн гоол” тэмцээн, Дархан хот – 15 нас: алтан медаль
• “Намрын тойрог” өсвөр үеийн тэмцээн
12 нас: алтан медаль
9 нас: хүрэл медаль
15 нас: хүрэл медаль
Өнөөдөр Сайхан сумын Хөтөл хотын Спорт клубт 9, 12, 15 насны ангиллаар хөлбөмбөгийн секц хичээллэж, 60 хүүхэд тогтмол хамрагдаж байна. Хүүхэд бүрийн мөрөөдлийг дэмжиж, спортоор дамжуулан сахилга бат, тэсвэр хатуужил, багаар ажиллах чадварыг төлөвшүүлж буй олон жилийн хөдөлмөрийн үр дүнгээр залуу үедээ үлгэр дуурайлал үзүүлж буй Д.Ганбаатар багшдаа 2026 оны “Оны шилдэг хөлбөмбөгийн зүтгэлтэн” шагнал хүртсэнд халуун баяр хүргэе!
Цаашдын ажил үйлсэд нь өндөр амжилт, шавь нарынх нь спортын замналд илүү их ялалт хүсье
"ЭРДЭНЭБАТЫН БАЛЖИННЯМ САН" ТББ
