Ахмедабад, Энэтхэг — 6-р сарын 12.
Өглөөний намуухан тэнгэрийг зүсэн хөөрсөн Эйр Индиа компанийн зорчигч тээврийн онгоц хэдхэн минутын дараа баруун Энэтхэгийн Ахмедабад хотын ойролцоох энгийн газар осолдсон нь өнөөдрийн хамгийн хар мэдээ боллоо. Онгоц Их Британийн Гатвик нисэх онгоцны буудлыг чиглэн 242 хүнийг тээвэрлэж явсан тухай агаарын тээврийн компани болон албаныхан баталсан юм.
Осол нь хотын захад байрлах эмч нарын орон сууцны байрны ойролцоо болсон ба одоогоор амь үрэгдэгсдийн тоо тодорхойгүй байгаа хэдий ч Энэтхэгийн холбооны Эрүүл мэндийн сайд “олон хүн” амь насаа алдсан хэмээн мэдэгджээ.
Цагдаагийн ахлах офицер:
“Осолдсон байршил нь эмч нарын байр байсан. Бид талбайн 70-80 хувийг цэвэрлээд байна. Үлдсэн хэсгийг ойрын хугацаанд бүрэн цэвэрлэнэ.”
Ослын шалтгааныг одоогоор тодорхойлоогүй байгаа ч холбогдох албаныхан шалгалтын ажлыг эхлүүлээд байгаа юм. Энэ харамсалт явдал нь зөвхөн Энэтхэг төдийгүй дэлхий дахинд онцгой анхаарал татаж байна.
