Бангладеш улсад үргэлжилж буй борооны улирлын улмаас 5.2 сая гаруй хүн үерт нэрвэгдэж 20 хүн амь үрэгдсэн гэж албаны хүмүүс ням гарагт /2024.08.25/ мэдэгдсэн байна.
Үерийн усанд олон хүн боогдсон тул тэдэнд хоол хүнс, цэвэр ус, эм тариа, хуурай хувцасны яаралтай шаардлага байгаа юм. Үерийн улмаас алслагдмал бүс нутгуудад зам шороонд хаагдсан тул аврах ажилд саад учраад буй.
Бангладешийн засгийн газрын тэргүүн зөвлөх Мохаммад Юнус мэдэгдэл хийхдээ үерт нэрвэгдсэн хүмүүст туслахын тулд шаардлагатай бүх арга хэмжээг авч байгаа гэжээ.
Энэ сард болсон оюутнуудын жагсаалын дараа Бангладешийн Ерөнхий сайд Шйех Хасина улсаасаа дүрвэсэн юм. Одоо Нобелийн энх тайвны шагналт Юнус түр хугацааны засгийн газрыг удирдаж буй.
Комилла мужийн нэгэн тосгонд амьдардаг 65 настай тариачин Абдул Халим хэлэхдээ шавар байшин нь 3 метр өндөр үерийн усанд урссан гэжээ.
Тэрбээр “Хүнс, ус байхгүй. Тосгоны гүнд хүрч ирсэн тусламжийн ажилтан бараг алга. Тусламжийн бараа авахын тулд төв зам руу заавал очих шаардлагатай” хэмээсэн байна.
