Италийн нийслэл Ромд нэгэн айлд хулгай хийх гэж нэвтэрсэн хүн ном уншиж байгаад гэрийн эзэнд баригдан, цагдаа нарт баривчлагдсан байна.
38 настай эрэгтэй Прати дүүрэгт байрлах нэгэн орон сууцанд тагтаар нь нэвтэрч орсон ч ширээ дээр Хомерын Илиад ном байсныг хараад уншиж суусан аж.
Гэрийн эзэн, 71 настай эрэгтэй хулгайчийг ном уншиж байхад сэржээ. Хэрэгтэн гэрийн эзэнд баригдан бүтэлгүйтсэнийхээ дараа зугтсан ч гэсэн цагдаа нарт төд удалгүй баривчлагдсан юм
Баривчлагдсаныхаа дараа тэр “Би дэн буудалд орж ирлээ л гэж бодсон. Тэгээд Илиад байхаар нь уншсан” гэж хэлсэн байна.
Энэ талаар Италийн хэвлэлүүд мэдээлсний дараа тус номын зохиолч уншиж дуусгаг хэмээн номоо өгнө гэсэн байна.
Илиадын түүхийг бурхдын харах өнцгөөс тайлбарласан “The Gods at Six O’Clock” номын зохиолч Жованни Нуччи ”Il Messagero” агентлагт “Сонирхолтой явдал болжээ. Номыг уншиж байгаад баригдсан хүнтэй уулзахыг хүсэж байна. Түүнд уншиж дуусгаг гээд ном өгнө” хэмээжээ.
