Цагдаагийн байгууллагад энэ оны эхний гуравдугаар сарын байдлаар согтуугаар тээврийн хэрэгсэл жолоодсон 529 осол бүртгэгджээ. Тухайлбал, энэ сарын 15-ны өдрийн 22 цаг 30 минутад “Гэсэр сүмийн уулзварт согтуу жолооч машин мөргөж жирэмсэн эмэгтэй хүн гэмтсэн байна” гэх мэдээлэл цагдаагийн байгууллагад бүртгэгдсэн байна. Дуудлага, мэдээллийн дагуу шалгалтын ажиллагаа явуулахад Toyota Corolla автомашины жолооч М нь согтууруулах ундааны зүйл хэрэглэсэн үедээ Nissan Vanette маркийн автомашинтай мөргөлдөж, жирэмсэн эмэгтэйг гэмтээжээ. Уг хэргийг Чингэлтэй дүүргийн Замын цагдаагийн тасаг үргэлжлүүлэн шалгаж байна. Жолооч М нь согтолтын зэрэг их буюу 2.53 бүхэл хувьтай байжээ.
