Жюү жицүгийн 2025 оны залуучуудын Азийн аварга шалгаруулах хоёр дахь удаагийн тэмцээн Тайланд улсад 2-р сарын 12-ноос 2-р сарын 16-ны хооронд болжээ.
Азийн 26 багийн 536 тамирчин U14, U16, U18 насны ангилалд эрэгтэй, эмэгтэй тус тус өрсөлдсөн юм. Жюү жицүгийн Азийн холбоо Азийн түвшинд таван өөр Duo show, жюү жицү, контакт болон файтинг төрлүүдэд тэмцээнийг зохион байгууллаа.
Манай 37 тамирчин Тайландыг зорьж, жюү жицү төрөлд нэг алт, гурван мөнгө, хоёр хүрэл медаль хүртжээ. Мөн залуучуудын ААШТ-ий файтинг төрөлд манай гурван тамирчин хүрэл медаль хүртсэн байна. Тамирчид даваа гарагийн шөнө эх орондоо иржээ.
Медаль хүртсэн тамирчид:U16 ангиллын /-48кг/ жинд Дундговь аймгийн Харцага дэвжээний тамирчин Мөнхбатын Эрхсаран
U16 ангиллын /-57кг/ Дорноговь аймгийн Хилэнц дэвжээний тамирчин М.Өэлүн мөнгө
U16 ангиллын /+63кг/ жинд Сүхбаатар аймгийн тамирчин Даваажаргалын Анударь хүрэл
U16 ангиллын /-77кг/ жинд Thunder Bjj Academy тамирчин Бүрэнсайханы Амар хүрэл
U18 ангиллын /-48кг/ жинд Сүхбаатар аймгийн тамирчин О.Живамэдмаань ХҮРЭЛ МЕДАЛЬ хүртлээ
U18 ангиллын /-63кг/ жинд Thunder Bjj Academy тамирчин М.Түмэнжаргал
U18 ангиллын /-70кг/ жинд Thunder Bjj Academy тамирчин Т.Эгшиглэн алтан медаль
U18 ангиллын /+70кг/ жинд Thunder Bjj тамирчин Дагвасамбуугийн Өлзийбат ХҮРЭЛ МЕДАЛЬ
U18 ангиллын /-77кг/ жинд Jiu Jitsu Methods Mongolia, ЭРД ГЕО ХХК-ий тамирчин Батрагчаагийн Бат-Эрдэнэ хүрэл медаль
Монгол улсад жюү жицүгийн холбоо байгуулагдаад 18 жил болжээ. Жюү жицү нь бие хамгаалах тулааны урлаг төдийгүй хэдэн ч насны хичээллэх боломжтой, мөн бэртэл гэмтэл бага тул жил ирэх тусам тус спортын клубийн тоо нэмэгдэж, хичээллэгсдийн тоо улам бүр өргөжсөөр байна.
