2023 онд “Эрдэнэс Тавантолгой” ХК 363.2 тэрбум төгрөгийн төсвийн хэмнэлт хийжээ

Б.Намуунзаяа
2024/02/08

2023 онд “Эрдэнэс Тавантолгой” ХК 3.5 тэрбум ам.долларын үнэлгээтэй 34.4 сая тн нүүрс борлуулан, Улсын төсөвт 2.8 их наяд төгрөгийн татвар, хураамж төвлөрүүллээ. Төсвийн хэмнэлтийн хүрээнд тэсэлгээ, ачилт зэрэг 17 нэр төрлийн уулын ажлын зардлыг бууруулснаар 2023 онд 363.2 тэрбум төгрөгийн төсвийн хэмнэлт хийлээ.

Түүнчлэн “Эрдэнэс Тавантолгой” ХК 2024 оны 2 дугаар сарын 2-ны өдөр Монголын Хөрөнгийн Биржээр 157 багц буюу 1 сая тонн коксжих нүүрс арилжлаа. Арилжаанд 3 худалдан авагч оролцсон бөгөөд нэг тонн нүүрсийг 163.3 ам.долларт арилжив. Ингэснээр “Эрдэнэс Тавантолгой” ХК 2024 онд 307.4 сая ам.долларын үнэлгээ бүхий 2,3 сая тонн нүүрсийг биржээр борлуулав.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна